حين يتكلم الصمت

يا عينى على اللى حب ولا طلش

يسهر بطول الليل ولا ينمش

يأرقة النوم وناره ما تنطقش

وعينه تدمع أسى عنه ما يندمش

وليله طويل جبار يارب ما تشفش

ويارب من له حبيب عنه ما يبعدش

وماتشفش نور الشوق من المه ما يسلمش

ولا مر الفراق اللى ما يرحمش

وحبيبى عنى بعيد سبنى ولا قالش

وانا من فراقه مريض ولازمت انا الفرش

سالت عنه النسيم لما ما سألش

رد على الهوى قلى على العرش

قلت يا ريت أشوفه مره قبل انا ما امش

قالوالى روح يا ولدى قدرك ما يحكمش

ذهبت لاهل الغرام قلتلهم على وصف

قالوالى تعالى يا بنى قرب ولا تخفش

اصابتك ايه ؟ قلتلهم سهم وما قتلش

اصابتك فين؟ قلت عن قلبى ما تخرجش

قالوالى غنت فين ؟ انا قلت ما أعرفش

قالوالى تشكى مين ؟ قلت مين ملك الهوى وما ينضمش

اشكى اللى نام الليل وعلى جرحى ما ندمش

قالوالى تطلب ايه انا قلت ما أطلبش

قالوالى حكمك ايه انا قلت ما يبعدش

ومن نار الهوى والشوق عنه ما يحرمش

يا ريت يا حبيبى عنه البسمة ما تغبش

واللى يصيبك يصيبنى منك ما يقربش

خايف من الايام واللى ما قدرش

خايف من اللى جاى لشمسه ما تطلعش

خايف من الليل ليبعدنا وما يقربش

خايف من لوم العوازل عن حربه ما تقدرش

مش كل شىء بالكلام عن غيره ما يوصلش

لغة العيون يا حبيبى ما تتقلش

صمت الكلام حديث عالمن غيرك ما يسمعش

والحب معنى وأدب وطاعة ما تنقصش

صمت الكلام يا حبيبى غالى ما يرخصش

حبيتك بقلبى وعقلى منى ما هربش

يا ريت تطول الليالى وتجمعنا على فرش

أو تحكى لاهل الهوى بالنقش على النعش

زمانى رمانى باسى على غيرى منكتبش

ما فارقتنى الدمعة يوم وعنها انا ما ببعدش

قالوالى يا جريح الغرام مين جرحك؟ انا قلت ما قدرش

روحى وكلى وأجزائى ليه ما يسألش

بس لى سؤال لو عندك ما تبخلش

إن ذرت القبور يا حبيبى عن قبرى ما تهش

واذكرى مريض الفراش اللى ما سأمش

وإن ذرت القبور يا حبيبى وذكرت فيها أسمى

صعدت الى الحياة وعلى قدمى أنا حمشى

وأنسج من حبى ألحان على وتر قلبى

ويعودله تانى الأمل من بعد مادمش

** *********

غرد يا حمام اللقا بعد الفراق ما انزاح

غرد ياليل الصفا بعد الظلام ما راح

غردى يا شمس الضحى بعد الغيام ما ساح

غرد يا نجم الليل بعد القمر مالاح

غرد يا بلبل وشادى بعد الغراب ما ناح

غرد يا فل ونادى على اللى عطره فاح

قله ضنانى الهوى وعمرى ما حرتاح

عرفت طريق الدوى وكله الم وجراح

لا الدوى يوم بكانى ولا عمره كان له جراح

والجرح دا سكين والمه كان سفاح

يا جرحى انا عمرى ما كان لى صباح

والليل طويل جبار كحاجب المصباح

لما لقانى حزين زدنى الم وجراح

مر على القدر قلى مالكش افراح

كل اللى جايلك أسى ووابل برماح

فامضغ لهيب الهوى واصبر على اللى راح

لو قلت انت اصبر صبرى ما يكون له براح

قولى ان انت معاى اعدك أكون ملاح

يعبر شطوط الهوى لو كلها اشباح

أحطم الموج بضعفىمهما كان له صراح

لو غرقت فيك يا بحر ماله شطوط

مش هندم على اللى جرى وساعتها اموت مرتاح

ولو كتبلى القدر اشوفك تانى مره

ححب عمرى الجاى وابكى على اللى راح


" خواطرى"